Жаңалықтарды Telegram арнамыздан оқыңыз!Биыл елімізге 600 мыңдай еңбек мигранты келуі тиіс. Ішкі істер министрлігінің болжамы осындай. Жалпы, жыл сайын Қазақстанға жұмыс іздеп келетін шетелдіктер саны артып барады. Көбіне-көп Өзбекстан, Тәжікстан және Әзірбайжан азаматтары келеді.
Ал Еуразия экономикалық одағына мүше елдердің өкілдері еңбек патентінен босатылған. Былтыр бізге еңбек етуге 551 мың шетел азаматы келіп, мемлекет қазынасына 6 млрд. теңгеден астам салық түскен екен.
Әсіресе, мигранттар көктем-жаз айларында елімізге ағыла бастайды. Сондықтан, көші-қон қызметіндегі жұмысты реттеп, шетелдіктердің шекарадан заңсыз өтіп кетуін болдырмау үшін тәртіп сақшылары жұмыстарын күшейтіп жатыр.
Бұған бір жыл бұрын ашылған Көші-қон қызметтері орталықтары сеп болып отыр. Тек қана миграция мәселесін шешетін мекеменің басты жетістігі – құжаттарды қабылдап, әзірлеу мерзімі едәуір қысқарған. Қазір 14 қалада осындай орталық жұмыс істейді. Жарты жылда тағы 3 облыста ашылуы тиіс
Альбина ӘШІМ
