Жаңалықтарды Telegram арнамыздан оқыңыз!«Аймақтарда кәсіпкерлік саласы қарқынды дамып келеді». Алматы облысы Балқаш ауданының жұртшылығымен кездескен Мәжіліс депутаты Серік Үмбетов осылай деді. Оның сөзінше, Миялы ауылында 1500-ге жуық халық болса, оның 300-ге жуығы толықтай жұмыспен қамтылған. Ал, алдағы уақытта тағы да жаңа жұмыс орындары ашылады. Бұл өңірдің экономикалық өсіп-өркендеуіне соны серпін береді. Сондай-ақ, мәжілісмен өңірдегі өндіріс орындары мен шаруа қожалықтарының тыныс-тіршілігімен танысты. Оларға Елбасының бес әлеуметтік бастамасының маңыздылығын түсіндірді.
Серік Үмбетов, ҚР Парламенті Мәжілісінің депутаты:
- Еліміз де, жеріміз де бай. Қазақ халқына тек бір-ақ нәрсе керек. Ол - ауызбіршілік, татулық, ынтымақ. Елбасының барлық ой-арманы осы.
Амангелді СЕЙІТХАН
