Жаңалықтарды Telegram арнамыздан оқыңыз!«Нұр Отан» партиясы отандық ақпарат саласының үздіктерін анықтады. Бүгін Астанада дәстүрлі «Нұр Сұңқар» жүлдесі табысталды.
Партия қызметі мен еліміздің саяси, экономикалық өмірінен ақпарат таратуда дараланған үздіктердің әрқайсысы 1 миллион теңге жүлдені иемденді. Ұйымдастырушылардың айтуынша, байқауға қатысушылар саны жылдан жылға артып келеді. Биыл еліміздің түкпір-түкпірінен алты жүзге жуық жұмыс келіп түскен.
«Жүзден жүйрік, мыңнан тұлпар» шыққандар жүлдені сегіз аталым бойынша сарапқа салды. «Елбасы бастамаларын халыққа түсіндіруге қосқан үлесі үшін» «Қазақстан» Ұлттық телеарнасы, «Басты ақпарат» бағдарламасының тілшісі Дулат Нуркин үздік деп танылды. Бұдан бөлек, жеңімпаздар «Сөз шебері», «Аймақ айнасы», «Халық дауысы», «Ерекше пікір» аталымдары бойынша да анықталды.
Шынар АСАНҚЫЗЫ
