«Шын жүректен!» қайырымдылық телемарафоны көпшіліктен қолдау тапты

Таңғы сағат 09:00-ден бастап көмекке мұқтаж жандар жайлы репортаждар халық назарына ұсынылды.

Бүгін арнамыздың тікелей эфирінен көрсетіліп жатқан «Шын жүректен!» телемарафоны көпшіліктің қолдауын тапты. Таңғы сағат 09:00-ден бастап көмекке мұқтаж жандар жайлы репортаждар халық назарына ұсынылды.

Ауыр дертке шалдыққан төрт бірдей жеткіншектің ем-домына мейірімді жандар әлі де қаржылай көмек көрсетуде. Қазақстан халқы Ассамблеясы мен «Қазақстан» Ұлттық телеарнасының бірлескен жобасына халық қалаулары мен жанашыр азаматтар, қоғам қайраткерлері мен спортшыларымыз қолдау көрсетіп, көпшілікті қайырымды іске атсалысуға шақырды.

Айбар ТӨЛЖАНҰЛЫ