Жаңалықтарды Telegram арнамыздан оқыңыз!Ақтөбелік Айсәуле Сатыбалдиева қыраулы қыс түскенше балаларымды жылы үйге кіргізсем, деп үміттенеді. Алайда тоғызыншы перзенттерінің дүниеге келуін әне-міне деп күтіп отырған отбасының бұл арманы әзірге ақиқатқа айналар емес.
Аты-жөнін атамауды сұраған бір кәсіпкер құрылысқа қажетті 1 200 дана ұлутас әкеліп берген. Бірақ, бұл көмек теңізге тамған тамшыдай дейді, батыр ана.
Көп балалы отбасының жағдайынан Ақтөбе қаласының әкімшілігі де хабардар. Бірақ, шаһар басшылығы пәтерге үміткерлер тізімінде 7 673-інші болып тұрған Айсәулеге ешқандай жеңілдік жасалмайтынын жеткізді.
Демек кезектің қазіргі жылжу қарқынына қарағанда Батыр анаға баспана енді 10 жылдан соң ғана тиіп қалуы мүмкін екен.
Жақсыбек КЕМАЛ
