Жаңалықтарды Telegram арнамыздан оқыңыз!Павлодарда жол апатынан мектеп жасындағы үш бала қайтыс болды. «Ақсу-Павлодар»бағыты бойынша келе жатқан шағын автобус тепловозға соғылған.
Қолда бар мәліметке қарағанда, кәсіптік-техникалық лицей студенттері Ақсу ферроқорытпазауытына өндірістік тәжірибеден өтуге барған. Қайғылы оқиға олар үйлеріне қайтып келе жатқанда болған.
Қазіргі уақытта бес жасөспірім аурхананың жансақтау бөлімінде жатыр. Қайтыс болған балалардың біреуі апат орнында, екеуі ауруханада жантәсілім етті.
Полицияның мәліметі бойынша, апатқа шағын автобус жүргізушісі кінәлі. Лицей оқушыларын тасымалдауға арнайы көліктің бөлінбеуі жеке тексеріледі.
Ерлан Рысбаев, әкімшілік полиция басқармасының бастығы:
Жүргізуші өзі ферроқорытпа зауытында жұмыс істейді. Үйіне барар жолда қалаға бара жатқан жолаушыларды алған. Теміржолдан өтіп бара жатқан тұста осындай оқиға болды.
Болат АМАНБАЕВ
