Жаңалықтарды Telegram арнамыздан оқыңыз!Тайбэйде өтіп жатқан Жазғы Универсиадада қазақстандық ауыратлет Арли Чонтей 56 келіге дейінгі салмақ дәрежесінде қола жүлдеге ие болды, деп хабарлайды Sports.kz. Оның үздік нәтижесі - 258 келі (115+143).
Күміс жүлдені доминикандық Луис Альберто Гарсия - 263 (119+144), ал, алтын медальді Универсиаданың рекордын орнатып, солтүстіккореялық штангист Чол Юн Ом - 294 (129+165) қанжығасына байлады.
Чонтей Рио-де-Жанейрода өткен 2016-Олимпиадада өзінің салмақ дәрежесінде төртінші орынды иеленіп, жүлдесіз қалған еді.
Ал, Солтүстік Кореяның намысын қорғаған қазіргі рекордсмен Чол Юн Ом ол кезде күміс медаль иеленген.
