Жаңалықтарды Telegram арнамыздан оқыңыз!Қазақстандық мәнерлеп сырғанаушы Денис Тенге алматылық кәсіпкер пәтер кілтін табыстады. Енді спортшы шаһардың қақ ортасында бой көтерген Central ParkResidence тұрғын үй кешенінде тұратын болады. Жанкүйерлеріне алғысын білдірген Денис Тен көпшілікпен атқарып жатқан шаруаларымен бөлісті. Айтуынша, бүгін АҚШ-тан елге жетісімен жаңа маусымның дайындығына кірісіп кетіпті. Қарашаның аяғында өтетін Франциядағы жарыстан үміті зор. Сондай-ақ, наурызға жоспарланған Шанхайдағы Әлем чемпионатында ел намысын қорғайтын болады.
АЙГҮЛ ЕРМАХАН
