Жаңалықтарды Telegram арнамыздан оқыңыз!Қазақстанның «Қайрат» клубы UEFA Чемпиондар Лигасының негізгі топтық кезеңде атағы жер жарып тұрған бірқатар командаға қарсы ойнайды. Бас-аяғы сегіз матч өткізеді. Оның төртеуін үйде, яғни «Қайрат» өз алаңында қабылдаса, қалғанын түзде: сырт алаңда болады. Жеребе тарту рәсімінің нәтижесі мынадай. Испаниялық «Реал Мадрид», Бельгияның «Брюггесі», Грекиялық «ОлимпиаКос» пен Кипрдің «Пафосы» Қазақстанға келеді. Ал қалған «Интер», «Арсенал», «Спортинг», «Копенгаген» клубтарына қонаққа барамыз.
Негізгі кезеңде барлығы 36 команда сынға түседі. Бірінші тур биыл 16 қыркүйекте басталса, сегізінші тур 2026 жылдың 28 қаңтарында болады. Айта кетейік, «Қазақстан» телерадиокорпорциясы елімізде өтетін матчтарды бродкаст ретінде түсіреді. Сондай-ақ қарт құрлықтың ала доп додасын «Qazaqstan» мен «Qazsport» телеарнасы тікелей эфирде көрсетеді. Матч кестесі ертең жарияланады.
Асылбек Данияр
