Жаңалықтарды Telegram арнамыздан оқыңыз!Шымкент қаласы әкімінің бұрынғы орынбасары Берденовке қастандық жасау ісі бойынша ертең сот үкімі шығады. Айыпталушы Ернар Жиембай бүгін соңғы сөзін айтты. Ол өз кінәсін ішінара мойындап, жәбірленушіден кешірім сұрады. Алайда Берденовке нақақтан тиіспегенін жеткізді. Әрі сотта болған іске саяси реңк бермеуді және жазасын жеңілдетуін сұрады. Сотталушы жәбірленушінің денсаулығына ауыр зиян келтіргенін мойындады. Сот үкімі ертең сағат 12-де жарияланбақ.
Ернар Жиембай, сотталушы:
Аса қатаң жаза тағайындамауыңызды сұраймын, құрметті сот! Жасаған ісіме өкінемін. Ешбір азаматқа қолдарыңызға қару алмаңыздар, аңшылыққа бармаңыздар деп айтар едім. Жасаған ісімді басыммен көтеремін.
