Жаңалықтарды Telegram арнамыздан оқыңыз!Қостанай облысының Рудный қаласында резеңке бұйымдарын қайта өңдейтін зауыттың жанынан цех салынып жатыр. Кәсіпорын автомобиль мен ірі габаритті дөңгелектерден пиролиздік отын, резеңке түйіршіктерін шығарады. Мұндай шикізаттан тартан жабыны, балалар мен спорт алаңдарына арналған төсемдер жасалады. Құны 400 миллион теңгеден асатын жаңа жоба жүзеге асса, кәсіпорынның өндірістік қуаты төрт есеге өспек. Яғни, жылына 12 мың тоннаға дейін өнім шығарылады.
Ринат Ишбулатов, кәсіпорын басшысы:
Нарықта біздің өнімге сұраныс жоғары. Сондықтан біз «Жасыл даму» қорынан қолдау тауып, жаңа құрылғы сатып алдық. Қазан-қараша айларында жаңа желі іске қосылса, өндіріс көлемі 3-4 есеге өседі.
Мәдина Нағашыбай
