Жаңалықтарды Telegram арнамыздан оқыңыз!Өнер байқауына жазғы лагерьде тынығып жатқан 7 мен 17 жас аралығындағы балалар қатысты. «Дарын» базасындағы төртінші маусым толықтай жасөспірімдердің шығармашылығын дамытуға арналған. Облыстың әр ауданынан келген балалар түрлі шығармашылық жарыстарға қатысып, өздерін жаңа қырынан көрсетуге мүмкіндік алды. Ән салуды армандаған, аспапта ойнап, актерлік шеберлікке үйренемін дегендер үшін «Музыкалық өнер», «Музыкалық калейдоскоп», «DANCE-Studio» сияқты студиялар жұмыс істеді. Вокалдық конкурсқа қатысқан таланттардың өнеріне белгілі музыканттар төрелік етті.
Серік Ахметұлы, өңірлік ғылыми-практикалық «Дарын» орталығының тәрбиешісі:
- Бұл жерде балалар алдымен өздері таңдаған әндерін айтып, бірінші кезеңнен өтті. Кеше ғана тәлімгерлердің көмегімен таңдалған әндерін айтып, өнерлерін паш етті. Бүгін финал, киелі сахнада 8 өнерпаз өз өнерлерін ортаға салып, әндерін айтты, тәлімгерлерден сабақ алды, үлкен той болды.
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
