Жаңалықтарды Telegram арнамыздан оқыңыз!Астанада «Заң және тәртіп» атты фотокөрме өтті. Онда ел тыныштығын күзетіп жүрген тәртіп сақшыларының еңбегі мен күнделікті қызметі бейнеленген.
Іс-шара Есіл өзенінің бойында ұйымдастырылды. Көрмеге келген тұрғындар Ұлттық ұлан оркестрінің өнерін де тамашалады.
Көрмеге 100-ден астам фотосурет қойылған. Олар Ішкі істер министрлігі өткізген байқау барысында іріктеліп алынған.
София Орынбасар, ҚР ІІМ Ақпараттық саясат департаментінің инспекторы:
Фотокөрменің мақсаты – біздің полиция қызметкерлерінің өрт кезінде де, су тасқыны болғанда да алдыңғы шепте жүретінін көрсету. Қарапайым болып көрінгенімен, олардың күнделікті жұмысы күрделі және жауапкершілік жоғары екенін жеткізу еді.
