Жаңалықтарды Telegram арнамыздан оқыңыз!Футболдан 2026 жылғы Әлем чемпионатының іріктеу кезеңінде Қазақстан құрамасы өз алаңында Солтүстік Македониядан жеңіліп қалды. Есеп 0:1. Ойынның 33 минутында команда қорғаушылары тарапынан болған қателікті сәтті пайдаланған қонақтар есеп ашты. Кездесу тағыдырын Александар Трайковскидің осы бір голы шешті. Екінші кезеңде жерлестеріміз таразы басын теңестіруге қанша талпынса да, нәтиже шықпады. Осы матчтан соң J тобының турнир кестесінде Солтүстік Македония 8 ұпаймен бірінші орынға көтерілсе, 3 ұпайы бар Қазақстан төртінші сатыға сырғыды. Ұлттық құрама ойыншылары ендігі кездесуін 4 қыркүйек күні Астанада Уэльске қарсы өткізеді.
Асылбек Данияр
