Жаңалықтарды Telegram арнамыздан оқыңыз!АҚШ президенті Дональд Трамптың Таяу Шығысқа 4 күндік сапары басталды. Америка лидерін бүгін Сауд Арабиясының астанасы әр-Риядтың король Халид әуежайында тақ мұрагері ханзада Мұхаммед бин Салман күтіп алды. Бақылаушылардың ойынша, бұл сапардың негізгі мақсаты – Газадағы соғыс немесе Иранның ядролық бағдарламасы емес - экономикалық келісімдер жасау. Трамп ертең Қатарға барады, ал бейсенбі күні ол Біріккен Араб Әмірліктерінде кездесулер өткізеді. Алайда, Құрама Штаттар жетекшісі Израильге аялдауды жоспарлап отырған жоқ. Сондықтан қазір еврей мемлекеті Вашингтон үшін қандай орында деген сауал туындап отыр.
Арыстан Рысбек
