Жаңалықтарды Telegram арнамыздан оқыңыз!АҚШ-та ауа райы нашарлап, 60 млн адамға ескерту берілді
Қалың қар АҚШ-тың солтүстік және орталық бөлігіндегі жұртты әбігерге салды. Мысалы, Небраска штатында жолдарды қар басып, қатынас нашарлаған. Бүкіл ел бойынша 60 миллионнан астам адамға боран мен көк тайғақ туралы ескерту жасалған. Ауа райы бүгін ертең күрт нашарлап, желдің жылдамдығы сағатына 80 шақырымға дейін жетуі мүмкін.
Ұлыбританияда толассыз қар жауып, қатынас қиындады
Ал Ұлыбританияда толассыз жауған қардың соңы тасқынға ұласты. Қалааралық көлік қатынасы тоқтады.
Ұшақтар кешігіп, жолаушылар діттеген жеріне жете алмауда. Ланкашир және Йоркшир графтығындағы 176 мектеп жабылып, балалар үйлерінде отыр. Қармен қатар жауған жаңбырдың кесірінен елді топан су басуы мүмкін деген ескерту берілді. Жалпы, Ұлыбританияның солтүстік және биік таулы аймақтарында ғана жиі қар жауады. Ал оңтүстік және ойпатты жерлерде орналасқан қалалар үшін сирек құбылыс. Сондықтан кейде коммуналдық қызметтер табиғаттың тосын мінезіне дайын болмай жатады.
Марина Бекенова
