Жаңалықтарды Telegram арнамыздан оқыңыз!Трамп пен Байден Ақ үйде кездесті. Екі сағатқа созылған жүздесуде Байден билікті бейбіт түрде тапсыратынын мәлімдеді. «Біз биліктің сәтті ауысуын барынша қамтамасыз етеміз», - деді ол. Жалпы АҚШ президентінің сайлауда жеңіске жеткен тұлғаны Ақ үйге шақырып, құрмет көрсетуі жылдар бойы үзілмей келе жатқан дәстүр. Алайда осыдан төрт жыл бұрын Трамп сайлау нәтижесін мойындамай, Байденге билікті бейбіт жолмен беруге қарсылық танытқан еді.
Әрі биылғы сайлау науқаны кезінде екі жақ бір-бірін сынап, ауыр айыптауларға дейін барған. Алайда оңаша кездесуде тараптар бір біріне жымия қарап, ұстамдылық көрсетті. «Саясат — оңай шаруа емес, жалпы әлемде бәрі жағымды бола бермейді. Бірақ бүгін мен үшін бәрі жайлы, мен бұны бағалаймын», — деген Трамп экс бәсекелесімен қол алысып, ортақ мәселелерді талқылады.
Жалғас Сәдібекұлы
