Жаңалықтарды Telegram арнамыздан оқыңыз!Еліміздегі ең үлкен, іргелі облыстардың бірі - Қарағанды өңірі. Мұнда 650 дауыс беру учаскесі жұмыс істеп тұр. Аймақтағы тілшіміз Жандос Бақытұлы байланысқа шықты.
Жандос Бақытұлы, тілші:
Қарағанды халқы таңнан бері белсенді. Жасы да жасамысы да дауыс беріп жатыр. Біз қазір қаланың дәл орталығындағы №60 референдум учаскесінде тұрмыз. Мұнда 1 200-ден аса адам тіркелген, оның басым бөлігі өз таңдауларын жасады. Ал, жалпы өңір бойынша 650 учаскеде, 761 мыңнан аса тұрғын референдумға қатыса алады.
Облыста 4 600 мүгедектігі бар азамат референдумға қатысады деп жоспарланған. Олар үшін арнайы пандустар, кабиналар қойылды. Ал есту және көру қабілеті нашар адамдарға сурдоаудармашылар көмектесуде. Зағиптар Брайль әдісімен де өз таңдауын жасай алады.
Бұған қоса 120 инватакси мүгедектердің еркін қатынауы үшін жұмыс істеуде. Өңір халқының белсенділігі жайлы алдағы хабарларымызда тағы да жеткізетін боламыз.
Жандос Бақытұлы
