Жаңалықтарды Telegram арнамыздан оқыңыз!Әлемнің үздік хирургтері Астанада бас қосты. Өйткені бүгін елордада «Заманауи хирургиядағы жоғары технологиялар» атты халықаралық ғылыми-практикалық форум басталды. Екі күнге созылатын шараға АҚШ пен Қытайдың және Еуропа елдерінің жетекші мамандары арнайы келді. Конференция барысында хирург дәрігерлер бір-бірімен медицина саласындағы тәжірибе алмасып жатыр.
Әрі кардиохирургия, нейрохирургия және қантамыр хирургиясы бойынша операциялар тікелей эфирде трансляцияланып, шеберлік сағаттары өтуде. Алғаш рет Ресейде өткен форум биыл екінші мәрте бізде ұйымдастырылып отыр.
Мыңжылқы Бердіқожаев, ҚР ПІБ Медицина орталығы директорының орынбасары:
Хирургияның барлық бағыттарында жасалып жатқан жоғары технологиялық инновациялық әдістерді кеңінен таратуға, сонымен қатар шетелдерден келіп жатқан біздің қонақтарымызға біздің жасап жатқан жұмысымызды және олардың жасап жатқан инновацияларын біздің дәрігерлерге көрсетуді мақсат еттік.
