Жаңалықтарды Telegram арнамыздан оқыңыз!Парижде өтетін ХХХІІІ Жазғы Олимпиада Ойындарын қазақстандық телеарналар тікелей эфирде көрсетеді. 26 шілде мен 11 тамыз аралығындағы дүбірлі доданы Қазақстан аумағында көрсету құқығын отандық 5 телеарна иеленді.
Олардың ішінде «Qazaqstan» ұлттық арнасы мен «Qazsport» телеарнасы бар. Тікелей эфирді 26 комментатор жүргізеді. Олимпиада ойындары кезінде «Қазақстан» телерадиокорпорациясы мен «Хабар» агенттігінің арнайы түсірілім топтары жұмыс істейді. Париж Олимпиадасына Қазақстан құрамасы 25 спорт түрінен 92 лицензия ұтып алды. Ел атынан 80 спортшы сынға түседі.
