Жаңалықтарды Telegram арнамыздан оқыңыз!
Qazaq Air әуе компаниясы вьетнамдық инвесторға қыркүйектің соңына қарай сатылатын болды. Келісімнің жай-жапсары жайлы бүгін Көлік министрі айтты. Марат Қарабаевтың сөзінше әуе компаниясы 2 миллиард теңгеге сатылмақ. Десе де инвесторға бірнеше міндетте қойылған. Ол Qazaq Air-дың 38 миллиард теңге көлеміндегі қарызын белгілі бір уақытта төлеуі тиіс. Әрі ел ішінде ғана емес, шетелге де ұшатын 20 ұшақ сатып алуы қажет. Десе де инвестордың өзі 20 емес, 50 ұшақ сатып алуды жоспарлап отыр, - дейді министр. Бұл әуе тасымалы саласында бәсекелестікті арттырып, қызмет сапасын арттыра түседі, - дейді сарапшылар.
Досжан Маратұлы
