Жаңалықтарды Telegram арнамыздан оқыңыз!Ертең елордада Шанхай ынтымақтастық ұйымының саммиті басталады. Әлем назарын өзіне аударған ауқымды шараға 16 елден президенттер мен үкімет басшылары және беделді халықарлық ұйым өкілдері қатысады. Алқалы жиын алғаш рет ұйымға мүше мемлекет басшылары кеңесінің отырысы мен кездесуі форматында өтеді.
Басқосуда Астана декларациясынан бастап, «Әділ бейбітшілік, келісім және даму үшін әлемдік бірлік туралы» және «ШЫҰ-ын жетілдіру туралы» бастамалар қабылданады. Сонымен қатар, Беларусь Республикасына Ұйымға мүше мемлекет мәртебесі беріледі. Жалпы, мемлекет басшылары өзекті халықаралық әрі өңірлік проблемалардың шешімін қарастырады.
