Жаңалықтарды Telegram арнамыздан оқыңыз!Президент Қасым-Жомарт Тоқаев Маңғыстау облысының жуырда тағайындалған жаңа әкімін қабылдады. Мемлекет басшысы әкім Нұрдәулет Қилыбайға маңызды міндеттер жүктеді. Өңір экономикасын әртараптандыру, соның ішінде жаңа өндіріс орындарын ашуды қолға алу керек екеніне назар аударды.
Сондай-ақ туризм, құрылыс, көлік-логистика салаларын өркендетуді тапсырды. Ақтау қаласы мен оның төңірегіндегі елдімекендерді жылумен, ауызсумен қамтамасыз етіп отырған Маңғыстау атом-энергетика комбинаты және «Каспий жылу, су арнасы» кәсіпорынның балансындағы инфрақұрылымды жаңғырту жұмыстарын жеделдетуді жүктеді.
