Жаңалықтарды Telegram арнамыздан оқыңыз!Үкімет басшысы Олжас Бектенов батыс өңірлердегі су тасқынының екінші толқыны болжамдарын ескере отырып гидроқұрылыстардың жай күйін тексерді. Премьер министр тікұшақпен аралау кезінде Жайық өзені арнасының жай-күйімен танысты. Сондай-ақ, елдімекендерге келетін судың көлемін азайту мақсатында ,су қоймаларындағы суды барынша жинақтау жөнінде тапсырмалар берді. Тұрғызылған бөгеттерді қарап шыққаннан кейін Олжас Бектенов тұрғындардың өмірі мен денсаулығын және мүлкін барынша қорғау үшін жұмыс қарқынын бәсеңдетпеуді тапсырды. Аймақтағы Төтенше жағдайлар департаментінің ресми өкілі Нұржан Төлеуіштің айтуынша, бүгінде Жайық өзенінің жағалауында тұратын азаматтарды құлақтандырып, алдын ала эвакуциялау жұмыстары басталған.
