Жаңалықтарды Telegram арнамыздан оқыңыз!Павлодар облыстық Төтенше жағдайлар департаментінің 53 қызметкері және 10 техника Солтүстік Қазақстан облысына көмекке аттанды. Олар қайық, суда жұмыс істеуге арналған құтқару құралдарымен жабдықталды. Павлодар өңірінің 6 ауданында тасқын су айтарлықтай әбігер тудырған болатын. 38 үйге су кірді. Қазір су деңгейі төмен түсіп, жағдай тұрақталды. Ақтоғай ауданы, Жалаулы ауылында жарияланған төтенше жағдай режимі кеше күшін жойды. Қазір аймақтағы зардап шеккен адамдарға материалдық көмек, бір реттік демеуқаржы беріліп жатыр. Ал тұруға жарамсыз болып қалған 5 үйдің орнына жаңа баспана салынады.
Болат Аманбаев
