Жаңалықтарды Telegram арнамыздан оқыңыз!Атырау облысындағы су тасқынынан қауіп бар аумақтарға әскери күштік құрылымдар көмекке жіберілді. Қарабау ауылында кешеден бері «Ұлттық ұлан» және қорғаныс министрлігінің Атыраудағы бөлімшелерінен құралған 150-ге жуық сарбаз ауыл тұрғындарымен бірлесіп, өзен арнасының жағалауына үш мыңнан астам қап топырақ төседі. Ойыл өзені арнасынан асып, аудандағы 7 елді мекенге қауіп төндірген болатын.
Қазір 4 ауылдық округтен өткен тасқын судың қаупі сейілді. Енді барлық күш Қарабау ауылына жұмылдырылып жатыр.
Бабиржан Батыров, 5546 әскери бөлімі батальон командирінің орынбасары:
2 шақырым жердің бөгеттерін жауып халыққа аямай күні-түні қызмет етіп жатырмыз. Ұлттық ұлан әрқашан сіздермен бірге, жауынгерлік және де ұйысқан ұлттық ұлан - еліме, халқыма қорған.
