Жаңалықтарды Telegram арнамыздан оқыңыз!Қазақстанда баспа газеттері жойылып барады. Әсіресе аудандық деңгейдегі басылымдар цифрлық дәуір қысымына шыдас бермей жатыр. Мәжілісте ақпараттық саясатты жетілдіру және өңірлік ақпарат құралдарын қолдау мәселелері қаралды. Тәуелсіздік алған жыылы елімізде 350 БАҚ ресми тіркелген. Қазір олардың саны 4 мыңға жуықтаған. Дегенмен, басым бөлігі тұрақты шықпайды. Ақпараттық саясатқа да араласа алмайды, оқырман тарапынан да сұраныс болмайды. Сондықтан оларды қаржыландыру, қолдау тетіктерін қайта қараған дұрыс дейді мамандар.
Қанат Ысқақов, ҚР Мәдениет және ақпарат министрінің орынбасары:
Мерзімді баспалардың қазіргі таңда ең маңызды екі мәселесі бар. Ол бірінші жазылу. Подписка. Екіншісі таралым. Енді статистикаға келейік. Бізде 2024 жылы, Қазақстанда 375 мың жеке тұлға және 8 мың заңды тұлға жазылған. 10 жыл бұрын миллионнан асатын еді жазылым. Яғни жазылып түсіп келе жатыр.
Оңғар Алпысбайұлы
