Жаңалықтарды Telegram арнамыздан оқыңыз!Ақмола облысында Қылшақты өзені арнасынан асып, Көкшетау қаласындағы 8 баспана мен 35 үйдің ауласына су кірді. 250-ге жуық тұрғын жедел түрде қауіпсіз жерге көшірілді. Апатты аймақтарда құтқару жұмыстары әлі де жүріп жатыр. Дегенмен, Төтенше жағдайлар департаментінің мәліметінше, қазір қауіп сейілген. Мамандар арықтарды тазартып, жағалауды барынша нығайтуда. Бұл жұмыстарға 200 адам мен 80-ге жуық техника жұмылдырылған.
Ұлан Бейсембаев, қалалық бірінші мамандандырылған өрт сөндіру бөлімінің бастығы:
Қазіргі таңда 80-ге жуық мотопомпамен суды сорып алып жатырмыз. Көпірдің алдындағы мұзды жарып, оны шығарып, камазға артып әкетіп жатырмыз. Су көпірдің астынан жақсы өтіп, қазіргі таңда судың деңгейі түсті.
