Жаңалықтарды Telegram арнамыздан оқыңыз!«Міндеттерді орындау үшін Үкіметке де, әкімдіктерге де тиісті құзырет берілген. Алайда, бұл мүмкіндіктер дұрыс қолданылмағандықтан реформаларды жүзеге асыру қарқыны бәсеңдеп кетті». Мемлекет басшысы Қасым-Жомарт Тоқаев Үкіметтің кеңейтілген отырысында осылай деп, орталық және жергілікті атқарушы билікке жұмыс істеу тәсілін өзгертуді тапсырды. Бірнеше министрліктің қызметіне қатысты сын да айтылды. Жиында Президент еліміздің бір жылдағы әлеуметтік-экономикалық дамуын қорытындылады. Ал алдағы уақытқа қандай міндеттер қойды? Оны Үкімет отырысына қатысқан тілшіміз Данияр Қайыртай баяндайды.
Данияр Қайыртай, тілші:
Жаңа Үкіметтің алғашқы отырысы 1 сағаттай бұрын аяқталды. Алдағы міндеттерге басымдық берілген жиында Президент елдің былтырғы экономикалық даму қарқынын қысқаша ғана қорытындылап берді. Өткен жылы экономикамыз 5,1 пайызға өскенін айтып, бастысы даму қарқыны бәсеңдемегенін алға тартты. Ал ендігі күш-жігер Жолдауда айтылғандай, 2029 жылға дейін экономика көлемін 450 млрд долларға жеткізуге бағытталу керек деді.
Данияр Қайыртай
