Жаңалықтарды Telegram арнамыздан оқыңыз!Ақмола облысында қатты боран мен көктайғақтың кесірінен бір күнде екі ірі жол апаты болды. Полицейлердің мәліметінше, өткен демалыс күндері Астана-Петропавлск тасжолында бір мезетте 15 көлік соқтығысқан. Зардап шеккендер жоқ. Кеше түске қарай тәртіп сақшылары жолда қалған 100-ге жуық көлікті діттеген жеріне жеткізіп салмақ болған. Алайда жүргізушілер белгіленген арақашықтықты сақтамай, бір-бірімен соқтығысқан.
Сонымен қатар кеше Көкшетау-Астана тасжолында да бір мезетте 9 автокөлік соқтығысты. Сондай-ақ кеше түнде өңірде жолда қалған 65 адам құтқарылды. Олардың оны бала. Барлығы Тәжікстан Республикасының азаматтары. Олар Ақкөл қаласындағы жылыту пунктіне жеткізілді. Қазіргі таңда облыста бірнеше бағыттағы жолдар жабық.
Ұмсындық Наурызбаева
