Жаңалықтарды Telegram арнамыздан оқыңыз!Ел азаматтары үшін Еуроодақ елдеріне виза рәсімдеу жеңілдей түсуі мүмкін. Бұл туралы бүгін Сыртқы істер министрлігінің ресми өкілі мәлімдеді. Айбек Смадияровтың айтуынша, қазір одаққа мүше мемлекеттермен визалық режимді жеңілдетуге қатысты келіссөздер жүріп жатыр. Ол оң нәтиже берсе, визалық алым төмендеп, өтінімдерді қарау мерзімі қысқармақ. Ал визалардың қолданылу мерзімі керісінше ұзаруы тиіс. Айта кетейік, еуроодаққа 27 ел мүше. Ал қазір ел азаматтары визасыз 82 елге бара алады. Олардың қатарына биыл Қытай мен Вьетнам қосылған еді.
Айбек Смадияров, ҚР Сыртқы істер министрлігінің ресми өкілі:
Қытаймен визасыз режим күшіне енді. Вьетнаммен визасыз режим жақында тараптар барлықа қажетті мемлекеттік рәсімдерді аяқтаған кезде басталады.
