Жаңалықтарды Telegram арнамыздан оқыңыз!Атырауда Сұлтан Бейбарыстың 800 жылдығына орай «Дешті қыпшақтың тарихи тұлғалары: «Бейбарыс және оның кезеңі» атты тақырыпта, халықаралық ғылыми-практикалық конференция өтті. Көпшліктің назарына сұлтан Бейбарыстың өмір –деректері мен қабірі басынан алынған тастардың бөлігі, XVII-XVIII ғасырдағы мәмлүктерге тиесілі тапаншалар, Бейбарыс мешітін бейнелейтін тарихи суреттер ұсынылды. Конференцияға Ресейден, Мысыр мен Өзбекстаннан белгілі ғалымдар келіп, тың ғылыми зерттеулерін паш етті. 50-шақты баяндама оқылды. Профессорлар Бейбарысқа дейінгі тарихты түгендеуіміз керек деп отыр. Сонда ғана Дешті қыпшақ даласының ұлы перзенті туралы тың ақпараттарға қол жеткіземіз дейді.
Керім Шамшәдин, филология ғылымдарының докторы, профессор :
Бейбарыстың айналасын қазу керек. Бейбарысқа дейінгі алғышарттар болған. Үлкен-үлкен түркі мәмлүктерінің ішінен генералдар, губернаторлар, сұлтандар шыққан.
Машалы Мохаммад, Нұр-Мүбәрак Египет ислам мәдениеті университетінің зерттеушісі:
Сұлтан Бейбарыс даңқты қолбасшы ғана емес, Ислам дініне өлшеусіз үлес қосқан бірегей тұлға.Каирде мешіт тұрғызды. 4 мәзһабты шегелеп кетті. Сондықтан оның дін жолындағы игі істерін де кешенді зерттеу керек.
Жандос Темірғали
