Жаңалықтарды Telegram арнамыздан оқыңыз!Жыл басынан бері бюджетке 314 млн теңгеге жуық туристік жарна түсті. Бұл төлем Қазақстанға келген шетелдік қонақтардан алынған. Олар қонақүйдегі әрбір күні үшін туристік алым төлеуге міндетті. Ал жарна мөлшерін әр әкімдік өзі белгілейді. Қаражат жергілікті бюджетке түседі. Туристік жарна түсімі бойынша көш басында қазір Алматы қаласы тұр. Шетелдік туристерден 270 млн теңге төлем алған. Бұл жалпы жиналған қаражаттың 86 пайызы. Ал екінші орында - Астана қаласы. Елордаға келген туристер 37 млн теңгеге төлем жасаған. Бүгінде туристік жарна төлеу тәжірибесі әлемнің 50 елінде бар. Қазақстанда төлемнің бұл түрі биылдан бастап енгізілді.
Айя Мүтәлі
