Жаңалықтарды Telegram арнамыздан оқыңыз!Қызылордада Экономикалық тергеп-тексеру департаменті қаржы пирамидасын құрып, алаяқтықпен айналысқан екі ұйымды анықтады. Құзырлы орган елімізде заңсыз деп танылған «Chia Tai Pharmaceutica» мен «Qnet» компанияларының жұмысын тоқтатып, қазіргі таңда қылмыстық іс қозғалды.
Шетелдік фирманың медициналық өніміне салымшы ретінде 130-ға жуық адам қаржы құйып, 130 миллион теңгеге алданып қалған. Ал «Qnet» қаржы пирамидасы бойынша тұрғындарға 46 миллион теңге көлемінде залал келтірілген. Қазіргі таңда осы ұйымның жұмысын жүргізіп, басшылық етті деген айыппен бір азамат күдікті ретінде қамауға алынды. Ал «Chia Tai Pharmaceutica» компаниясын құрғандар қылмыстан жалтарып, құқық қорғау органдары күдіктілерге іздеу салуда.
Әділбек Серікұлы
