Жаңалықтарды Telegram арнамыздан оқыңыз!Англияда үшінші күн қатарынан кіші санаттағы дәрігерлер ереуілдетіп жатыр. Ереуілге шыққан дәрігерлердің айтуынша, үкімет жалақыларын көтермесе, жаз бойы жұмысқа шықпайды.
Бұған дейін болған наразылықтар кезінде 200 мыңға жуық науқас ем-домсыз қалғаны белгілі. Кәсіподақ ұйымының мүшелері үкіметтің ұсынған 5 пайыздық үстемақысы мардымсыз деп мәлімдеді. Ұлыбританияда «кіші санаттағы дәрігер» деп медициналық оқу орнын бітірген және 5 жылдан кейін дәрігер болуға талаптанып жүрген мамандарды айтады. Олар ұлттық денсаулық сақтау қызметінің шамамен 45 пайызын құрайды.
Суми Маниржан, кәсіподақ ұйымының өкілі:
Жалақымызды 35 пайызға көтеруді талап етеміз. Бір мезетте емес, кезең-кезеңімен өсірсін. Өйткені соңғы 15 жыл көлемінде табысымыз инфляцияға ілесе алмай келеді.
Марина Бекенова
