Жаңалықтарды Telegram арнамыздан оқыңыз!Семейдегі орман өртінің аумағы 60 мың гектардан асты. Өрт ошағы маңында мына Бородулиха, Новобаженово және Барышевка ауылдары орналасқан. Олар Семей қаласынан 60-70 шақырым жерде орналасқан. Сонымен қатар облыс орталығынан 20-30 км жердегі Озерки ауылдық округінің Каштак, Полинки, Тепкаши және Талица елдімекендерінің тұрғындары қауіпсіз жерге көшірілді. Ал жедел штаб Успенка ауылының маңында орналасты.
Қазір оны сөндіруге Төтенше жағдайлар министрлігі, Орман шаруашылығы комитеті, жергілікті атқарушы органдар және Қорғаныс министрлігінен 800-ге жуық адам, шамамен 200-дей техника жұмылдырылған. Өрт салдарынан 3 орманшы қайтыс болды. 11 қызметкерден хабар жоқ.
