Жаңалықтарды Telegram арнамыздан оқыңыз!
Балалар бүгін Ақордаға барды. Мерекеге орай әр өңірден келген 70-ке жуық оқушы Президент сарайын аралап көрді. Арасында халықаралық және республикалық олимпиада жеңімпаздары, оқу озаттары бар. Олар салтанатты холл мен ресми қабылдаулар өткізуге арналған «Салтанат» залын, түрлі жиындар өтетін «Шығыс», «Мрамор», «Алтын» «Доғал» және басқа да келіссөз залдарын тамашалап, кітапхананы аралады. Бұдан бөлек, еліміздің бас ғимараты туралы қызықты деректермен танысты. Шақырылғандар арасында Президент Қасым-Жомарт Тоқаевқа Ақорданы аралап көргісі келетінін айтып, хат жазған елордалық Асылтас Саяділ де бар.
Асылтас Саяділ, 1-сынып оқушысы:
Қасым-Жомарт Кемелұлыны көп-көп рахмет! Маған бүгінгі экскурсия ұнады. Шақырғаны үшін рахмет! Сыйлықтары ұнады. Өскенде Президенттің көмекшісі болғым келеді.
Дарын Сағитов
