Жаңалықтарды Telegram арнамыздан оқыңыз!Қазақстандағы конституциялық реформалар Еуропалық парламентте талқыланды. Алқалы жиынды еліміздің Бельгиядағы елшілігі Еуропарламент депутаттарымен бірігіп ұйымдастырды. «Супер президенттік басқару жүйесінен мықты Парламенті бар Президенттік республикаға көшу, саяси партияларды тіркеу рәсімін жеңілдету-әділетті мемлекет құрудың маңызды қадамы. Сондай-ақ «мемлекет пен қоғамның өзара сеніміне, құрметіне негізделген реформалар саяси мәдениетті қалыптастырады», - дейді сарапшылар.
Имон Гилмор, Еуропалық Одақтың адам құқықтары жөніндегі арнайы өкілі:
Еуропалық Одақ Қазақстандағы конституциялық реформаларды қолдайды. Мұндай реформаны жүргізу өте қиын екенін өз тәжірибемізден білеміз. Бұл ел халқының өмірін жақсартуға бағытталған өзгеріс. Азаматтар енді проблемаларымен тікелей Конституциялық сотқа шағымдана алады. Бұл органның міндеті Ата заң нормаларының сақталуын қамтамасыз ету.
Эльвира Әзімова, ҚР Конституциялық сотының төрағасы:
Ең бастысы біздің тәжірибеміз халықтың және мемлекеттің сұранысына сай болу керек. Сонымен бірге сапалы болуы керек. Сондықтан Конституциялық сот негізінде азаматтарды және мемлекетті қосымша қорғау.
Нұрсұлу Қасым
