Жаңалықтарды Telegram арнамыздан оқыңыз!Алматыда жылына 300-ге жуық шекарашы даярлайтын арнайы оқу орталығы ашылды.
Ұлттық қауіпсіздік комитеті Шекара акалдемиясының аумағында бой көтерген нысан АҚШ пен Қазақстанның біріккен жобасы. Онда офицерлер де даярланбақ. Мақсат - шетелден заңсыз кіретін контрабанданы тоқтатуға қауқарлы, есірткі айналымына шектеу қоятын, сырттан төнетін қауіпке тойтарыс беретін мықты жауынгерлерді тәрбиелеу.
Владимир Шин, ҚР ҰҚК Шекаралық бақылау кафедрасының меңгерушісі:
Бұл орталықта 9 мамандарылыған сыныптан тұратын оқу корпусы бар. Соңғы үлгідегі техникалармен жабдықталған. Сондай-ақ алыс-жақыннан келіп оқиытындар үшін жатын орын да қарастырылған.
Орталық «Таулы-Қырат» шекарашылар қалашығында орналасқан. Онда қазір әуеде, құрлықта және суда шекара күзететін жауынгерлердің жаттығуы үшін бар жағдай жасалған.
Даниел Розенблюм, АҚШ-тың Қазақстандағы төтенше және Өкілетті елшісі:
Орталық Азияда баламасы жоқ нысанда көршілес Қырғызстан, Тәжікстан, Түркменстан сынды елдердің де шекарашылары келіп біліктілігін арттырады. Сондай-ақ олар жергілікті шекарашылармен тәжірибе алмасады. Бұл Қазақстанның қорғаныс күштері үшін өте ұтымды болмақ.
Нұрсұлтан Тілектес
