Жаңалықтарды Telegram арнамыздан оқыңыз!Маңғыстау өңірін қалың түтін басты. Күйіктің иісі кеше кештен бастап сезілген. Қазір Аягөз Оралбайқызы оқиғаның мән-жайын скайп арқылы айтуға әзір, Аягөз, түтіннің иісі әлі де бар ма?
Аягөз Оралбайқызы, тілші:
Шерхан, дәл қазір Ақтауда түтін сейілді, дегенмен иісі әлі де сезіліп тұр. Ал жалпы түтін аймақтың басым бөлігіне жайылған. Мамандар Жаңаөзен қаласынан бастап, барлық аудан-ауылдарға барып, ауа сынамаларын алды. Өндірістік ластаушы заттар анықталмаған. Экологтар кеше түннен бері жер-жерді шарлап, түтіннің қайдан шығып жатқанын таппай жатыр. Осы оқиғаға байланысты жаңа ғана облыстық әкімдікте төтенше жағдайлар департаменті, экология, СЭС мамандарының қатысуымен шұғыл жиналыс болды. Сондағы мәліметтер бойынша түтін Маңғыстауға Атырау облысынан келіп жатыр. Ол жақта Құрманғазы ауданында қамыс өртеніп жатыр. Осыған байланысты құзырлы орғаннан көрші облысқа тиісті хат жолданған.
Аягөз Оралбайқызы
