Жаңалықтарды Telegram арнамыздан оқыңыз!Сайлау күні кез келген адам немесе кездейсоқ ұйымдар әлеуметтік сауалнама жүргізе алмайды. Бұл туралы Елордада өткен брифингте «Адал сайлау үшін» Республикалық штаб мүшелері айтты. «Сайлау туралы заңға» сай сауалнама жүргізер алдында зерттеу жүргізетін ұйым алдын ала Орталық сайлау комиссиясына өтініш береді. Сонымен қатар сауалнамада қай өңірлердің қамтылатыны да нақтылану керек. Ал сауалнама нәтижесі сайлау өткен соң ғана жарияланады.
Думан Жампейісов, «Адал сайлау үшін» республикалық қоғамдық штабының мүшесі:
Біріншіден заңды тұлға өткізу керек. Жеке тұлға өткізе алмайды сауалнаманы. Бұл - біріншіден. Екіншіден - бұл кез келген заңды тұлға емес, бес жылдық тәжірибесі болуы керек. 1 жылдық, 2 жылдық тәжірибесі бар адам сауалнаманы өткізе алмайды. Және осы заңда тәжірибесі бар тиісті тұлға болуы керек.
