Жаңалықтарды Telegram арнамыздан оқыңыз!Сайлау бюллетеньдерінің формасы өзгерді. Алдынғы саяси науқандарда дауыс беру парағы А4 форматында болса, бұл жолы А5 қолданылады. Өйткені сайлау мажоритарлы жүйемін өткізіледі. Тиісінше, өзін-өзі ұсынған кандидаттардың саны басым болады.
Орталық сайлау комиссиясы бүгін бюллетеньдердің үлгісін де бекітті. Сайлау күні облыстардың, республикалық маңызы бар қалалардың және астананың дауыс берушілеріне 5 бюллетень беріледі. Біріншісі – Мәжіліс сайлауына түсетін партиялар тізімі. Түсі – көгілдір. Мәжіліске бірмандаттық аумақтық сайлау округтерінің кандидаттары бар – жасыл бюллетень.
Мәслихат депутаттары сайлауына түсетін партиялар тізімі – қызылкүрең. Мәслихат сайлауына облыс, республикалық маңызы бар қалалардан және астанадан мажоритарлық жүйемен түсетін кандидаттардың бюллетень түсі – қызғылт сары және сұр. Барлық дауыс беру парақшасында «бәріне қарсымын» бағанасы бар.
Биылға сайлауға 12 миллионнан аса адам қатысады деп жоспарланған.
Асылбек Данияр
