Жаңалықтарды Telegram арнамыздан оқыңыз!Қарағанды облысының мектептерінде температураның тиісті деңгейде сақталуын арнайы комиссия тексереді. Бұған дейін Теміртау қаласындағы 23 мектепке жылу жетпей, оқушылар онлайн оқуға мәжбүр болған. Осы жағдай жылумен қамту бағытында біраз кемшілік бар екенін көрсетті. Талап бойынша білім мекемелерінде температура +18 градус болуы тиіс. Алайда металлургтер қаласындағы мектептердің көбінде ондай жылу жоқ. Осыған байланысты ата-аналар құзырлы органдарға хат жазған. Жемқорлыққа қарсы қызмет, білім мен коммуналдық мекеме өкілдерін жинап, жылуға қатысты түйткілді мәселелерді талқылады.
Сергей Работягов, Теміртау қалалық коммуналды кәсіпорын директоры:
Мектептердегі қазіргі жағдайдың қалыптасуына себеп болған басты фактор олардың 90 процентінде автоматтандырылған құрылғы тұр. Оны білім нысандарындағы жөндеу жұмыстарынан соң орнатқан. Алайда олар дұрыс деңгейде жұмыс істемейді. Себебі құрылғыларға жауап беретіндей арнайы маман жетіспейді. Сондай-ақ, мектептердегі құбырлар тазаланбаған, бітеліп жатыр. Бұл бойындағы ыстық судың айналуына кедергі келтіреді.
Аркадий Тілеубердинов, Жемқорлыққа қарсы іс-қимыл қоғамдық кеңесінің мүшесі:
Жылуды берген 2-і ЖЭО температурасы өте төмен болған. Магистральдан қала ішілік құбырларға жауап беретін «Оқжетпес» ЖШС айтып отыр онда дұрыс жұмыс жасалмаған деп. Жұмысына жауапсыз қарағандар жауапқа тартылады деп ойлаймын. Онымен тиісті органдар айналысып, шешімін шығарады.
Руслан Нұрланұлы
