Жаңалықтарды Telegram арнамыздан оқыңыз!Сүңгуір құтқарушылар Алакөлге батқан жүргізушінің денесін тапты. Бұл туралы Төтенше жағдайлар министрлігінің баспасөз қызметі хабарлады. Абай облысының құтқарушылары суға кеткен адамның денесін 28 метр тереңдіктен шығарған. Бұл жұмыстарға министрлік пен аймақтағы жедел құтқару жасағынан 4 адам мен 1 техника, жергілікті атқарушы органдардан 25 адам мен 6 техника тартылды. Еске сала кетсек, кеше түс ауа «Нива» автокөлігінің жүргізушісі көлді мұз үстімен кесіп өтпек болған. Алайда, мұз жарылып, көлік суға кеткен. Жолаушы шығып үлгергенмен, жүргізуші суға батып кетті.
Дарын Сағитов
