Жаңалықтарды Telegram арнамыздан оқыңыз!
Ұлттық ұланның Бас қолбасшылығы мен барлық әскери бөлімдері Қаңтар оқиғасында қаза тапқан жауынгерлерді еске алды. «Мәңгілік сапта» акциясында қаза тапқан әскери қызметшілерді бір минут үнсіздікпен еске алып, құрмет көрсетті.
Сондай-ақ жауынгерлердің жанқиярлығы көрініс тапқан қаңтардағы оқиғалар мен батырлар туралы деректі фильмдер көрсетілді. Былтыр Ұлттық ұланның әскери қызметшілері құқық қорғау органдарымен бірлесіп жаппай тәртіпсіздіктер болған барлық қалалар мен елдімекендерінде қауіпсіздік пен құқықтық тәртіпті қамтамасыз етуге тартылған болатын.
Онда 400-ден астам әскери қызметші бұзақы топпен қақтығыс салдарынан дене жарақатын алды. Дүрбелең кезінде қатардағы екі жауынгер - Мадияр Қайсаров пен Айбат Аманов қаза тапты.
Сәбит Әлдебай
