Жаңалықтарды Telegram арнамыздан оқыңыз!Екібастұзда жылуға қосылмаған көпқабатты 4 үй қалды. Олардың жертөлесіне дейін ыстық су келіп тұр. Енді оны пәтерлерге жеткізу жұмысы жүріп жатыр. Одан бөлек таңғы сағат 5-тер шамасында 15 үй жылудан уақытша ажыратылды. Себебі, тағы да ақау шыққан. Жедел штаб мәліметіне қарағанда түскі сағат 2-ге дейін бұл үйлер жылуға қайта қосылады. Еске сала кетейін, кешеден бері апаттық жөндеу бригадаларына көмекке барып жатқандар саны көбейді. Қазір апат салдарын жою үшін 850 ден астам адам жұмыс істеп жатыр. Олар негізінен қатып қалған құбырларды қыздырып, жарылған батареяларды ауыстырып жатыр.
Ғазиз Жайылғанов, жөндеу бригадасының жетекшісі:
12 облыстан келді. Соны күрделі жұмыстарға қойып, нақты істеп отыр. Бір подьезді бітірдік. Жағдай жақсы болып барады. Осы жердегі тұрғындар бізге рахмет айтып отыр. Осы жерге тамақтарын әкеліп отыр жігіттерге.
Болат Аманбаев
