Жаңалықтарды Telegram арнамыздан оқыңыз!Алматыда қоғамдық көліктердің қатысуымен болатын жол апаттарының жиілеуіне байланысты автобус қозғалысы ретке келтіріледі. Бұл туралы қала әкімі Ерболат Досаев тұрғындармен кездескенде айтты.
Мәселен, келер жылы аялдамаларға бірдей стандартқа келтірілген екі мың ақпараттық экран орнатылады. Атауы жазылып, автобустардың жүретін бағыты көрсетіледі.
Ерболат Досаев, қала әкімі:
Таблоларды 2023 жылдан бастап қоямыз. «Оңай» транспорттық холдингімен қосылып, автобустардың жүру кестесін, нөмірлерін таблоға енгіземіз. Бюджеттен ақша дайындап қойдық.
Шаһар басшысы «Қайрат» футбол клубына қатысты да айтты. Клубтың жекеменшіктен қала балансына өтетінін нақтылады. Бұған дейін азаматтар әкімнен «Қайрат» футбол клубына көмек көрсетуді сұраған еді. Себебі команданың жақсы ойыншылары жалақысы төмен болғандықтан, басқа клубтарға ауысып кеткен.
Фариза Мұсақызы
