Жаңалықтарды Telegram арнамыздан оқыңыз!Еуропалық Одаққа мүше мемлекеттерде оның құны сағатына 700 еуро Мвт-тан асты. Қарт құрлық тарихында бұрын соңды мұндай жоғарғы көрсеткіш тіркелмеген. Бағаның күрт өсуіне Франция мен Германиядағы атом реакторларының өшірілуі себеп дейді сарапшылар. Ресейдің қарт құрлық елдеріне газ тасымалын қысқартуы да дағдарысқа түрткі болған.
Ариана Сэрай, Брюссель қаласының тұрғыны:
Электроэнергия өте қымбат. Мен ай сайын 25 еуро төлейтінмін бір адамға. Енді 25 есеге тағы көбейді. Онсызда қыста қалың киініп, жылуды сөндіріп қоятынмын. Биыл мүлдем қоспаймын енді.
Дормал Клэйвин, Брюссель қаласының тұрғыны:
Тоқтың қымбаттауы төбемізден жай түсіргендей болды. Онсызда су қымбат еді, енді газ бен жарықтың құны шарықтады. Үкіметтен қолдау болмаса энергетикалық дағдарыс экономикалық дағдарысқа ұласады.
