Жаңалықтарды Telegram арнамыздан оқыңыз!Елде базалық зейнетақы мөлшерін арттырып, оны есептеу үшін ең жоғары табысты ұлғайту көзделіп отыр. Еңбек және халықты әлеуметтік қорғау министрлігінің мәліметіне қарай, бұл 2025 жылы зейнетақыны орта есеппен 27%-ға көбейтуге мүмкіндік береді. Демек, 3 жыл ішінде 109 мың теңгеден 138 мың теңгеге дейін өседі. Өзгеріс Әлеуметтік кодекс жобасы арқылы жүзеге асады.
Базалық зейнетақы мөлшері орта есеппен 51%-ға көбейеді. Бұл 2 млн зейнеткердің әлеуметтік төлеміне қатысты өзгеріс. Мемлекет қарт адамдар арасында кедейліктің көбеюіне жол бермеу үшін осындай шара қабылдайды дейді мамандар. Биылғы жолдауда да зейнетақы жүйесінің тиімділігін арттыру бойынша жаңа шара қабылдау ұсынылған еді.
