Жаңалықтарды Telegram арнамыздан оқыңыз!Украинадағы қазақстандықтар өз дауыстарын Варшава қаласындағы №271 референдум учаскесінде беруге мүмкіндік алды. Осы ретте Қазқстанның Украинадағы елшісі Дархан Кәлетаев өзінің Польшадағы әріптесі Әлім Қирабаевқа алғысын жеткізді. Бұл жолы Украинадағы қауіп пен қатер ескеріліп, референдум учаскелері ол елде ұйымдастырылған жоқ. Сондықтан Украинадағы отандастарымыз мың шақырым қашықтықты еңсеріп, бесі күні өз таңдауларын Варшавада жасады.
Алтынбек Мустапаев, Украинадағы қазақ диаспорасының өкілі, кәсіпкер:
Өкінішке орай Киевте дауыс бере алмағаннан кейін Польшаға келдік. Қазір Украина мен Польша арасында көп жүреміз. Украиналық халықтарға көмектесіп жүрген жайымыз бар.
Дархан Кәлетаев, Қазақстанның Украинадағы Төтенше және өкілетті Елшісі:
Елшіліктегі жұмыс жасап жатқан азаматтар, Украинада тұрып жатқан Қазақстан азаматтары Польшаның Варшава қаласына дауыс беруге арнайы келдік. Бұл біздің азаматтық парызымыз. Польшадағы Қазақстанның елшілігі дауыс беруге толық мүмкіндік болды. Өтіп жатқан оқиға елімізге үлкен жаңалық әкеледі деген сенімдемін.
